சுஜாதா - தொடர் பதிவு-2

                                                                       


வணக்கம் நண்பர்களே ,
                                              தனது சுய சரிதை, வாசகர்களுக்கு  ஒரு பயனுள்ள படைப்பாக  அமைய வேண்டும் என தான் கடந்து வந்த பாதயை  கூட  அறிவியல் தகவல்கள் ,சந்தித்த பிரச்சினைகள் , படித்த புத்தகங்கள் , என பலவற்றையும் அழகாக தொட்டு சென்றிருப்பார்.  உதாரணத்திற்கு,1953ல்   முதன் முறையாக  ஒரு  சிறுகதை  எழுதி  அனுப்பினார் .அது சிவாஜி என்ற புத்தகத்தில் வெளி  வந்தது. அதை இப்படி எழுதி இருந்தார்,



"கதை வெளிவந்த போது திருச்சி நகரமே அளம்பி   விட்டாற் போல இருந்தது.அந்த வட்டத்தில், சிவாஜி இதழின் அனைத்து காப்பிகளும் விற்று தீர்ந்தன , எல்லாவற்றையும் நானே வாங்கி விட்டதால்"

 சுஜாதா - தொடர் பதிவு-1-ல்  அவருடைய பிறப்பு , கல்வி மற்றும் பணியாற்றிய துறைகள் பற்றி அறிந்தோம் . இந்த பதிவில் அவர் எப்படி எழுத்துலகுக்கு வந்தார் என்பதை பார்போம் .


அவர் சென்னை மீனம்பாக்க்கத்தில் ஏர்  டிராபிக் கன்ட்ரோலராக , வேலை பார்த்து கொண்டிருக்கும் போதே டெக்னிகல் ஆபீசராக  டெல்லிக்கு மாற்றலாகி சென்றார். இந்த சமயத்தில் தான்  அவர் அடிக்கடி வெளியூர் செல்ல  ஆரம்பித்தார் .  இதனால் அவர்  பயண நேரங்களில்  நிறைய படிக்க நேரம் கிடைத்தது . தனது நண்பர் ஸ்ரீனிவாசனின் ,சுஷ்மா எங்கே ? என்ற க்ரைம் கதையை திருத்தி சரி கொடுக்க அது குமுதத்தில் வந்தது. அதயே  தனது படைப்புக்கான அங்கீகாரமாக  கருதி, சிறு கதைகள்  எழுத ஆரம்பித்தார்.


ரங்கராஜன் எப்படி சுஜாதாவாக மாறினார்?

சுஜாதா அவர்கள்  சிறுகதைகள் எழுதி அனுப்பிய அந்த  காலத்தில் , குமுதத்தில் ரா.கி. என அழைக்க படும்  ரங்கராஜன் அவர்கள் எழுதி கொண்டிருந்தார்.  ஆதலால் ,  இவரை வேறு ஒரு புனை  பெயரில்   எழுத  சொன்னார்கள் . அன்றிலிருந்து திரு .ரங்கராஜன்  - தனது மனைவியின்  பெயரான சுஜாதா எனும்  பெயரில் எழுத ஆரம்பித்தார்.


டெல்லியில்  பதினான்கு ஆண்டுகள் வேலை பார்த்த பின்பு பெங்களூருவில் உள்ள  BEL ல்  Deputy manager  ஆக  பணியில் சேர்ந்தார் . இங்கு தான் ,   வாக்களிக்கும் இயந்திரத்தை  தயாரிக்கும் ஆராய்ச்சி குழுவின்  Chief ஆக பணியாற்றினார். 


திரைத்துறையில் சுஜாதா : 
                                                            கதை, கட்டுரை,புதினம்,நாவல், நாடகம் என  எழுத்துலகில்  முன்னணியில் இருந்த சுஜாதா  , திரைத்துறையிலும் தனது வெற்றி கொடியை நாட்டினார் . இவர்  வசனம் எழுதிய முதல் திரைப்படம், இயக்குனர் சிகரம். கே. பாலச்சந்தரின்  நினைத்தாலே இனிக்கும் .   திரை துறையில்  இவர் பங்களிப்பு  கீழே  வரிசை படுத்த பட்டுள்ளது.

திரைப்படமாக்கப்பட்ட இவரின் கதைகள்

• காயத்ரி
• கரையெல்லாம் செண்பகப்பூ
• ப்ரியா
• விக்ரம்
• வானம் வசப்படும்
• ஆனந்த தாண்டவம்

பணியாற்றிய திரைப்படங்கள்

• ரோஜா
• இந்தியன்
• ஆய்த எழுத்து
• அந்நியன்
• பாய்ஸ்
• முதல்வன்
• விசில்
• கன்னத்தில் முத்தமிட்டால்
• சிவாஜி த பாஸ்
• எந்திரன்
• வரலாறு (திரைப்படம்)
• செல்லமே

                     
நன்றி :தகவல் : விக்கிபீடியா
                               
தொடரும் !


நன்றியுடன் !
இரா.மாடசாமி

	Tweet