திரும்பி பார்க்கிறேன்! கழுத்து சுளுக்கிகிச்சு!!!

வணக்கம் நண்பர்களே ! 

                                                என்னடா  தலைப்பு  இப்படி இருக்கிறதே என  பார்க்க வந்தீர்களா!  இந்த பதிவு என்னுடைய 25 வது  பதிவு ! மிகவும் முக்கியமானது! திரும்பி பார்க்கிறேன்னு மட்டும்  போட்டா  வரமாட்டீங்கன்னு எனக்கு தெரியும் ! அதனால் தான் கழுத்து சுளுக்கிகிச்சு  அப்படீன்னு  சேர்த்து போட்டேன்  ! எப்படி ?!  

ஒரு நாள்   ஆனந்த விகடனை புரட்டி கொண்டிருந்தபோது நண்பர்  திரு.பிலாசபி பிரபாகரன்  அவர்களின் தளம் பற்றிய  அறிமுகம் பதிவாகியிருந்தது.தொடர்ந்து அவர் தளங்களுக்கு சென்று பார்வையிட்டேன் ! மிகவும் பிடித்திருந்தது !  பின்னர் நாமாகவே ஒரு தளத்தை தொடங்கலாம் என எண்ணினேன் !  தளத்தை  தொடங்கினாலும் அதன் அமைப்பை உருவாக்கிய பெருமை  நண்பர் திரு.அப்துல் பாசித்   மற்றும்  திரு தங்கம் பழனியையே மற்றும் சாரும் ! இவர்களின் தளத்தில் சென்று கற்ற பின்தான் என்னுடைய தளம் இவ்வாறு காட்சியளிக்கிறது . புதிய பதிவர்கள் இவர்களின் தளங்களுக்கு சென்று  பார்வையிடுவது நல்லது ! 

தளத்தை தொடங்கினாலும் , பதிவை போடவேண்டும்! அதை படிக்க வேண்டும் ! என்ன செய்வது? முதலில் எனது தளத்தை அலுவலக நண்பர்களிடம் அறிமுகம் செய்தேன் ! கிண்டல் செய்ய ஆரம்பித்தனர் !
நண்பர்  திரு .ராஜாராமன் மட்டும் ஊக்கம் கொடுத்தார்.  Follower யாரும்  கிடைக்கவில்லை ! அதனால்  வல்லுகட்டாயமாக  அவரை  சேர்த்தேன்! இப்போது நினைத்தாலும் சிரிப்பாக வருகிறது!யாருமே இல்லாத டீ கடையில யாருக்குங்க டீ ஆத்துறீங்க என்பார்! எனக்கு முதலில் கமெண்ட் போட்டது கல்லூரி நண்பர் காளிமுத்து ! பதிவுலகம் எனக்கு கை கொடுக்காது என ஒரு ஆதங்கத்தில் பதிவுலகத்தை கிண்டல் செய்து  ஒரு பதிவை போட்டேன்! அதுதான் பட்டையை கிளப்பும் பராசக்தி சிவாஜி கணேசன் ! அதை படித்து விட்டு நண்பர்   திரு. வரலாற்று சுவடுகள்  கமெண்ட்  போட்டார் ! மகிழ்ச்சியாக இருந்தது! 

பின்னர் தொடர்ந்து எழுத ஆரம்பித்தேன் ! நான் ரசித்த தமிழ் சினிமா !,சுஜாதா தொடர் பதிவு ! மிகுந்த வரவேற்ப்பை பெற்றது !  சுய விளம்பரம் போதும் என நினைக்கிறேன் . என்னை ஊக்கபடுத்தியவர்கள் , என்னை தொடர்கிரவர்கள் தளத்திற்கு வந்து பார்வையிட்டவர்கள் , அனைவருக்கும் எனது நன்றியை தெரிவித்து கொள்கிறேன் !   தொடர்கிறேன் எனது பணியை உங்கள் வாழ்த்துக்களோடு !  சிறிய கவிதை அல்லது கிறுக்கலுடன் இந்த பதிவை முடித்து கொள்கிறேன் ! 

ஓடி களைத்தவனுக்கு

வேர்வை  வரவில்லை 

மின் விசிறி !

வன்முறை வார்த்தைகள்  

இனிக்கிறது 

மழலையின்  குரலில் 

ஒய்  திஸ் கொலைவெறி !

நகக் கீறலின் 

காயங்களை 

வேர்வை முத்துக்கள் 

நனைத்தது 

முதல் இரவு ! 

பள்ளிக்கு புதிது 

அறிவியல் தமிழ்

எனக்கு பழசு 

சுஜாதா ! 

ஏன் ? எதற்கு ? எப்படி ?

வரலாற்று தினங்களை 

தாங்கி பிடிக்கிறது 

என் வீட்டு சுவர் 

காலண்டர் !

 

நன்றியுடன் 

இரா. மாடசாமி 

	Tweet