காதலில் சொதப்பியது எப்படி?!! எனது முதல் காதல் அனுபவம்!!!!

வணக்கம்  நண்பர்களே  !!!
                                                   இன்று எனது முதல் காதல் (சொதப்பல்) அனுபவத்தை  இங்கு எழுத போகிறேன். இது வரை யாரிடமும் சொல்லவில்லை! காதலித்து கொண்டிருப்பவர்களுக்கு  நிச்சயமாக இது  பயன் உள்ளதாக  இருக்கும் !

பத்து வருடங்களுக்கு முன்பு , கொசுவத்தி  சுருள அப்பிடியே கொஞ்சம் சுத்துங்க ! ஆங் ! இப்போ நீங்க பிளாஷ் பேக்கிற்குள் வந்து விட்டீர்கள் !   அது ஒரு  ஆடி மாதம் ! தந்தையுடன்  துணி எடுக்க தி.நகர்  வரை சென்றிருந்தேன்! ஒரு கடையின் உள்ளே நானும் என் தந்தையும் உள்ளே செல்ல , அவளோ  எதிரே உள்ள இன்னொரு கடையில் ! அங்கு தான் நிகழ்ந்தது எங்களது முதல் சந்திப்பு!சுமாரான உயரம்! என்னை விட அழகு!!!!! சரி ! சரி !! கூல் ! அந்த பொண்ணு மட்டும்தான்  அழகு ! சட்டென  நான் தந்தையிடம்,  அந்த எதிர்  கடைக்கு செல்லலாம் என சொன்னேன் . என் தந்தை , உடனே  பாரம்பரியம் , பண்பாடு என நாங்கள்  துணி எடுக்க வந்த  கடையை பற்றி லெக்ச்சர் அடிக்க ஆரம்பித்து விட்டார் !  என்ன பாரம்பரியமோ  !  என் காதலில் அந்த வீணா போன பாரம்பரியம்  பாடாய் படுத்தியது ! எந்த துணியும் சில நாள்களில் கிழியதான் போகிறது ! இதில் பாரம்பரியம் இருந்தால் என்ன ! இல்லாவிட்டால் என்ன ! சரி மேட்டேருக்கு  வருவோம்! அவள் என்னை பார்த்து சிரித்தாள். சிறிய புன்னகை ஒன்றை உதிர்த்து விட்டு உள்ளே சென்று விட்டேன்  ! ( வேற வழி அப்பாவ வச்சுகிட்டேவா   பாக்க  முடியும் ) 



 பின் நான் உள்ளே சென்று வித விதமான ஆடைகளை பார்த்தாலும் என் மனம் என்னவோ அவளின் சிரிப்பை மட்டுமே நாடியது.  பின்ன ! முதல் முதலாக என்னை பார்த்து !! ஒரு பெண் சிரித்து இருக்கிறாள் !அதுவும்  காதலுடன்! விட்ருவமா !!!!

 விக்ரமின் படத்தில் வரும்  ல! ல ! லா! ல ல லாலாலா !!! கோரசுடன்  என் மனது ஏதோ  பண்ணியது ! எப்போது   அவளை மறுபடியும் சந்திப்போம்  என்று என் மனது அவளை நினைத்து வாடியது ! மறுபடியும் ஒரு முறை அவளை பார்த்துவிடமாட்டோமா  என ஏங்கியது !

ஒரு வழியாக  ! துணி எடுத்துவிட்டோம் ! இப்போது என் தந்தை பில் செட்டில் பண்ணுவதர்க்காக வரிசையில் நின்றார் !  இந்த சமயத்தை நான் பயன்படுத்தி கொண்டு மறுபடியும் அவளை பார்த்து விடலாம் என என்  தந்தையிடம் ,                 " அப்பா  நான் கொஞ்சம் வெளியே நிற்கிறேன்" என அவர் அனுமதி தருகிற வரையில் நிற்காமல் கட கட வென வெளியில் வந்தேன் !
எதிர் கடையை நோட்டமிட்டேன் !  1000 வாட்ஸ்  பிரகாசம் என் முகத்தில்  !


ஆம் ! இன்னும் அவள் இருந்தாள் ! என்னை அழைப்பது போல இருந்தது  அவள் கண்கள் ! சாலையை கடந்து அவளருகில் சென்றேன்! இதயம் இப்போது அளவுக்கு அதிகமாகவே  துடித்தது! அவள் அருகில் நான் !


 சிரித்தேன் ! அவளும் என்னைபோலவே சிரித்தாள்  ! சிரித்தவுடன் எனக்கு அவளை நெருங்கும் தைரியம் வந்து விட்டது !இப்போது நெருக்கதில் இருவரும் !  மூச்சு காற்று அனலாக கொதித்தது!  அவள் கையை லேசாக பற்றி விட்டேன் !!!! அப்போது !!!

பின்னந்தலையில் ! டமார் என ஒரு அடி விழுந்தது ! தேய்த்துகொண்டே தலையை  திரும்பினால், காதல் படத்தில் வரும் தண்டபாணி போல  கண்கள் சிவந்த நிலையில் என் அப்பா!!!!! 
   
  கோபத்துடனே சொன்னார் ! ஏன்டா எரும மாடு ! உன்னை நான் அங்க தேடிகிட்டு இருக்கேன் ! நீ இங்க !!! துணிக்கடை போம்மை கையை புடிச்சுகிட்டு என்னடா பண்ற?


 ஐயோ ! அம்மா !  ஏ ! யாருப்பா மண்டையில குட்டுறது  ! ஏ !  இங்கபாரு  ! வேணாம் ! பேசிகிட்டு  இருக்கும்போது என்ன இது கைய நீட்டுற பழக்கம் ! அடிச்சு முடிச்சாச்சா ? போங்க ! போய் கம்மெண்ட்ட போட்டுட்டு  வேலய  பாருங்க! அடுத்தவன் காதல் கதைய படிக்க  என்னா  ஆர்வம்  காட்டுராய்ங்க !

 நன்றியுடன் !

இரா. மாடசாமி

 (நன்றி - பட உதவி - Google images ) 

	Tweet